Рускиот министер за одбрана Сергеј Шојгу денеска соопшти дека Русија во декември минатата година распоредила дивизија на крајбрежниот ракетен систем Бастион на островот Парамушир, еден од Курилските острови, во Тихиот Океан.
Овој потег ги зајакнува руските одбранбени сили на истокот на земјата, рече Шојгу, пренесува РИА Новости. Минатата година, Источниот воен округ на Русија доби околу 400 единици модерна и модернизирана опрема, додаде тој.
Воено-политичката ситуација на рускиот Далечен Исток и понатаму е тешка, се наведува во соопштението.
– САД го зголемуваат своето присуство во азиско-пацифичкиот регион и ги зајакнуваат врските со своите сојузници за да ги задржат Русија и Кина – заклучи Шојгу.