Парламентот на Шкотска гласаше за организирање нов референдум за независност од Велика Британија во периодот меѓу есента 2018 година и пролетта 2019 година.
Шкотскиот парламент ја поддржа идејата на првиот министер Никола Старџен за втор референдум со 69 гласови „за“ и 59 „против“.
Одлуката е донесена еден ден пред британската премиерка Тереза Меј да иницира процес за излез на државата од Европската унија.
Британската Влада нема да води преговори за предлогот на шкотската Влада за нов референдум за независност, јавија британски медиуми.
– Ќе биде неправедно да се побара од народот во Шкотска да донесе важна одлука без неопходна информација за идните наши односи со Европа или што ќе претставува независна Шкотска, соопшти Владата во Лондон.