Во Молдавија поради сомнение за корупција се приведени високи службеници од системот на здравство, меѓу кои и раководители на повеќето медицински центри во земјата, јави ТАСС.
Претставникот на Националниот центар за борба против корупцијата Богдан Зумбрјану изјави дека истрага е покрената против 21 лица, а 16 од нив се во 72-часовен притвор.
– Против тие лица се покренати кривични постапки за корупција и пречекорување на службената должност, истакна тој и додаде дека станува збор за измами при организирање тендери за купување на лекови и медицинска опрема.
Меѓу приведените се поранешниот министер за здравство Андреј Устај, шефот на Агенцијата за лекови Александар Коман, заменик-шефот на Дирекцијата на затворите Сергеј Цуркану и првиот човек на Агенцијата за јавни набавки Генадиј Гриб.
Зумбрјану изјави дека истрагата располага со документи кои покажуваат дека со овие незаконски активности на државата и е нанесена штета од околу десет милијарди долари.