Шест лица загинаа кога камион вчера влета во група луѓе кои уживале во забава во близина на Ротердам, соопшти полицијата.
Седум лица се повредени, објавија телевизија НОС и новинската агенција АНП, повикувајќи се на полициски извори.
Возилото било на шпанска транспортна компанија.
Уапсен е 46-годишен шпански државјанин кој го управувал возилото. НОС соопшти дека мажот е под истрага за предизвикување на кобната несреќа.
Возачот не е повреден и не бил под дејство на алкохол.
Спасувачките тимови користеле кран во текот на ноќта за да го исправат камионот и да извлечат едно тело.
Причината за тешката несреќа е под истрага.