Шест лица се полесно повредени во голем пожар што избувна изутринава околу пет часот во една шесткатна станбена зграда во Париз.
Како што јави дописникот на МИА од Париз, во гаснењето на пожарот биле вклучени околу 200 пожарникари, кои дури по три часовна борба успеале да го стават огнот под контрола.
Пожарот избувнал на скалите, по што набрзо се проширил на вториот кат. Скалите се урнале при пожарот, па сите жители на зградата биле евакуирани со помош на пожарникарски скали.
Повредените лица се жалеле на проблеми со дишењето поради густиот чад.
Поради пожарот, сообраќајо на булеварот што минува пред зградата беше во прекин повеќе од два часа.