Тропската бура Труди ги однесе животите на шест лица, зафаќајќи го реонот на Гереро во јужниот дел на Мексико.
Поројни дождови предизвикаа лизгање на земјиштето, при што загинаа две деца и една жена.
Бурата доведе до евакуација на околу 2.000 луѓе од планинските области во државата Гереро. Шеснаесет села останаа изолирани, а причинета е материјална штета на главниот автопат кој води кон туристичкото место Акапулко.
Ураганот Ана во Тихиот Океан, мина во близина на Хаваите и предизвика силни дождови, но сепак го одмина архипелагот.
Сепак, останува во сила објавеното предупредување за опасност само за делови од северозападните ненаселени острови Кавај и Нихау.
Ураганот Гонсало, пак, вчера премина крај Њуфаундленд во Канада и ќе продолжи брзо да се движи на исток преку северниот дел на Атланскиот Океан. Се очекува днеска и утре тој да ја зафати Велика Британија.
Гонсало ќе донесе пороен дожд и силни ветрови во западниот дел на Европа, како и обилни снежни врнежи на европските планини. Од Лихтештајн и Австрија на југоисток до Босна, Србија и Бугарија можна е снежна покривка до 15 сантиметри.