Француската полиција во повторна акција во Стразбур го неутрализира терористот Шериф Шелат кој изврши терористички напад во вторникот, јавува дописникот на МИА.
Терористот, познат на француската и германската полиција поради повеќе криминални дела, беше убиен на улицата Лазарет, јави париски Фигаро, повикувајќи се на полициски извори.
Претходно беше јавено дека има нова полициска акција во квартот Недорф и во квартот околу стадионот на Стразбур – Мено, каде биле слушнати повеќе истрели.