Шефот на израелската разузнавачка служба Мосад, Дејвид Барнеа, изјави дека агенцијата постигнала „длабоко продирање во јадрото на непријателските тајни“ и дека извршила, како што рече, „револуционерни“ операции во Иран и регионот.
На церемонијата во чест на исклучителните мисии од 2025 година во седиштето на Мосад, Барнеа рече дека улогата на агенцијата за време на воениот период се променила и станала значително поофанзивна, во координација со израелската армија (ИДФ), во операции насочени против Иран и Хезболах, објави „Тајмс оф Израел“.
Тој рече дека израелските разузнавачки операции обезбедиле „стратешки и тактички информации во јадрото на непријателските тајни“, како и нови оперативни капацитети во целните земји.