Претседателот на иранскиот парламент, Мохамед Багер Галибаф, изјави дека Иран ќе го користи пристапот „око за око“ во војната и дека ќе одговори на секој „акт на агресија“ пропорционално и веднаш.
„Ниеден чин на агресија нема да остане неодговорен. Денес го прогласуваме правилото „око за око“ – без двоумење и без исклучок“, напиша Галибаф на социјалната мрежа X.
„Ако започнат војна против инфраструктурата, сигурно ќе возвратиме со напади врз инфраструктурата“, додаде тој.
Претседателот на Иран, Масуд Пезешкијан, изјави дека Иран е наследник на цивилизација стара најмалку 6.000 години и предупреди дека ниедна сила никогаш не успеала да го избрише „тоа познато име“.
„Секој што ја негува илузијата дека ќе го уништи Иран не знае ништо за историјата. Агресорите доаѓале и си оделе. Иран преживеал“, напиша Пезешкијан на мрежата X.