Поранешниот шеф на полицијата Џао Хаибин во кинескиот град Луфенг, наводно има 192 куќи и лажна лична карта, објавија денеска државните медиуми.
Џао бил пријавен од еден бизнисмен во 2011 година дека акумулирал имот на негово име и на име на неговата компанија. По пријавата, властите ја поништиле лажната лична карта на Џао.
Претставник на дисциплинската комисија на Комунистичката партија на Кина за Луфенг изјави дека Џао, кој е и партиски секретарт на локалниот округ, бил под истрага, која сега е завршена и тој ќе ги задржи своите јавни функции. Партиската истрага покажала дека сопственик на имотот е неговиот помлад брат, бизнисмен и дека Џао само „управува“ со имотот во име на брат му.