Севернокорејските државни медиуми денеска ја означија ќерката тинејџерка на лидерот на земјата Ким Џонг-ун како „кадар за највисоките државни функции“, најавувајќи дека таа еден ден би можела да го наследи нејзиниот татко.
„Одличен советник“, вака севернокорејските државни медиуми ја опишаа ќерката на Ким Џонг-ун, пренесува париски Фигаро.
Во извештајот, заедно со фотографиите на Ким Џонг-ун и неговата ќерка, се наведува дека севернокорејскиот лидер и неговата ќерка, придружувани од партиски, владини и воени лица, посетиле фарма.
Досега официјален Пјонгјанг никогаш не ја опиша ќерката на севернокорејскиот лидер како таква, а државните медиуми никогаш не ја идентификуваа по име.
Сепак, јужнокорејската разузнавачка агенција верува дека тоа е Јо Ае, второто дете на Ким Џонг-ун.