Северна Кореја во текот на овој месец планира да лансира сателит во Вселената, јави јужнокорејската агенција Јонхап, додавајќи дека за ваквите намери на Пјонгјанг, Јужна Кореја ја информирала Меѓународната поморска организација.
Најавата за лансирање на севернокорејскиот вселенски сателит доаѓа еден месец по контроверзната нуклеарна проба на Северна Кореја, за која властите во Пјингјанг тврдат дека било тест на хидрогенска бомба, иако западните експерти изразија скептичност кон ваквите тврдења.
Според нив, експлозојата, што се случи на 6 јануари, најверојатно е од конвенционална атомска бомба, бидејќи хидрогенските бомби имаат многу поголема експлозивна моќ.
Како што јави ДПА, Северна Кореја уште во 2012 година лансираше ракета во Вселената, за која тврдеше дека однела сателит во земјината орбита.
Меѓутоа, САД тогаш го обвинија Пјонгајанг дека не лансирал сателит, туку вршел тестирање на интерконтинентална балистичка ракета која би можела да носи и нуклеарна боева глава.