Се очекува Северна Кореја до крајот на јуни преку КОВАКС-програмата да добие 1,992 милиони дози од вакцината против коронавирусот развиена од британската компанија Астразенека и универзитетот Оксфорд, јави државната агенција Јонхап.
Како што вчера објави СЗО, поголемиот дел од вкупно 330 милиони вакцини наменети за најсиромашните земји ќе бидат произведени по лиценца, во Индискиот институт за серум, најголемиот производител на вакцини во светот.
Северна Кореја се пријави во програмата КОВАКС, управувана од Глобалниот сојуз за вакцини (ГАВИ), и покрај тоа што Пјонгјанг тврди дека во земјата досега не е регистриран ниту еден случај на заразен со коронавирусот.
Во меѓувреме, некои светски медиуми денеска објавија информација дека Северна Кореја наводно почнала да развива сопствена вакцина против Ковид-19, користејќи знаење „хакирано“ од странските научници и нивните истражувања.