Северна Кореја денеска ја осуди инвазијата во нејзината амбасада во Мадрид и побара истрага за да се откријат сторителите. Ова е нејзиниот прв официјален коментар за настанот од пред повеќе од еден месец кога група вооружени мажи влегла во амбасадата, му се заканувала на персоналот, а потоа избегала со документи и компјутери.
Десет лица, кои наводно извршиле напад во амбасадата во Мадрид, припаѓаат на една мистериозна дисидентска организација која се опишува себеси како влада во егзил, која е посветена на соборувањето на севернокорејската владејачка династија Ким.
Десетчлената група која бара поништување на режимот на Ким ја презеде одговорноста за падот во амбасадата на Северна Кореја во Мадрид, објави АП.
Официјалните севернокорејски медиуми објавија дека портпаролот на Министерството за надворешни работи изјави дека незаконскиот упад и окупација на дипломатската мисија и чинот на изнудување е сериозно кршење на државниот суверенитет и флагрантно кршење на меѓународното право и дека “овој чин не смее да се толерира”.
Портпаролот тврди дека вооружена група ги измачувала вработените во амбасадата и украле средства за комуникација.
Шпанија издаде најмалку две меѓународни потерници за припадниците на групата.