Проектилите што денеска ги лансираше Северна Кореја најверојатно се ракети со краток дострел, соопшти Генералштабот на војската на Јужна Кореја.
Едниот проектил летал 420, а другиот 270 километри кон исток. Проектилите се истрелани од северозападната локација Сино-ри кон исток.
Генералштабот на војската на Јужна Кореја наведе дека деталната анализа е спроведена во соработка со американите разузнавачки служби.
Северна Кореја минатата недела лансираше повеќе ракети и барем еден проектил со краток дострел од источниот брег, со што се зголемија тензиите на Корејскиот Полуостров во време на застој на преговорите помеѓу Пјонгјанг и Вашингтон.