Француската полиција цели 35 години го бараше серискиот убиец, осомничен за пет убиства, но се чини дека потрагата заврши откога поранешниот полицаец изврши самоубиство, а во порака призна дека тој е убиецот.
Од полициски извор, како што јавија повеќе француски медиуми, се дознава дека споредбите на ДНК утврдила дека лицето што изврши самоубиство во Грау-ду-Роа, Франсоа В., навистина е лицето по кое се трагаше 35 години поради серија убиства и силувања кои никогаш не биле разјаснети. Осомничениот бил заведен под името „Греле“ (Мозолест) поради неговите лузни на лицето, јави дописникот на МИА.
35 години по почетокот на истрагите, „Греле“ сега има име и лице различно од портрет. Човекот пронајден мртов во средата во стан изнајмен во Грау-ду-Роа, во Гард, одговара на осомничениот баран од 1986 година. Отворена е судска истрага за „силување на малолетници од 15 години“, „убиства“, „обид на убиство со умисла”, „кражба со оружје “,„лажна употреба”и „киднапирање”и „киднапирање малолетник од 15 години”.
Франсоа Верове (59 години) е осомничен дека извршил пет злосторства помеѓу 1986 и 1994 година. Неговата сенка виси над смртта на Сесил Блох (11 години), избодена и силувана во 1986 година, Жил Полити (38), убиен во 1987 година, како и Ирмгард Милер (20 години) убиена во 1987 година.
-Споредбата на ДНК, веднаш по наредба на истражниот судија, денеска воспостави кореспонденција помеѓу генетскиот профил пронајден на неколку места на злосторства и оној на починатиот, потврди парискиот обвинител Лор Бекуо.
Пред неговата смрт, Франсоа Веров остави писмо во кое ги призна убиствата, без да ги каже имињата на неговите жртви. Според неколку медиуми, тој споменал „минати импулси“, но и дека „ја презел одговорноста“ и дека „не направил ништо од 1997 година“.
Според обвинителството во Париз, педесетгодишниот на 24 септември добил покана на 29 септември да се јави на сослушување, а во средата бил пронајден мртов. Обвинителот потврдува дека станува збор за „поранешен жандарм, кој станал полицаец и сега во пензија“.
Околу 750 жандарми стационирани во регионот на Париз во времето на настаните беа повикани во последните месеци да дадат ДНК примероци.
-Јамката се затвораше околу некој што веројатно беше жандарм, полицаец, затоа што овој човек покажал триколорна картичка, затоа што неколку сведоци зборуваат за човек кој зборувал со јазик што може да личи на говор на полицаец или жандарм, па затоа се сослушуваале жандарми. Земени се примероци од ДНК и овој господин се појави на листата на жандарми од кои требаше да се земат примероци “, објаснува Доминик Ризет, полициско-правен консултант за БФМТВ.
Франсоа Веров ја напуштил полицијата во 1988 година за да стане полицаец. Тој беше и општински советник до минатата година за Прадес-ле-Лез (Еро). Поранешниот градоначалник на градот со околу 5.000 жители сведочи за БФМТВ за неговото „изненадување“ и зачуденоста.
„Моите односи со овој човек беа срдечни, тој беше човек што го почитува мислењето на другите“, изјави Жан-Марк Лусерт. Според него , Франсоа Веров бил оженет и имал деца.
Според „Ле Паризиен“, тој помеѓу 1983 и 1988 година бил на функција во коњаницата на Републиканската гарда во Париз, пред да стане полицаец и особено моторџија, а потоа бил назначен за малолетничката бригада.
„Ле Греле“ го доби овој прекар по убиството на малата Сесил Блох во 1986 година. Робот портретот на човек беше изработен и широко распространет откако го видоа неколку луѓе, особено родителите и полу-братот на малото девојче, во салата на зградата во која живееше семејството.