Областа источно од Курилските Острови денес беше погодена од четири земјотреси, од кои најсилниот беше со интензитет од 5,2 степени според Рихтеровата скала, објави Европско-медитеранскиот сеизмолошки центар (EMSC).
Другите три земјотреси беа помеѓу 5,1 и 4,7 степени.
Сите земјотреси беа на отворено море.
Најсилниот од четирите земјотреси беше на длабочина од 10 километри и на растојание од околу 300 километри од јапонскиот град Куширо.
Досега нема извештаи за повредени или материјална штета.
Не е издадено предупредување за цунами.