Сенатот на САД гласаше за унапредување на номинацијата на Каш Пател за директор на Федералното истражно биро (ФБИ), објави Ројтерс.
Сенатот гласаше 48-45 по партиска линија, во процедура што му претходи на неговото конечно гласање за потврда до крајот на оваа недела, пренесува Танјуг.
Пател, поранешен функционер во Министерството за одбрана во првиот мандат на американскиот претседател Доналд Трамп, повика на радикална ревизија на ФБИ, ветувајќи дека ќе ги прошири своите акции против илегалната имиграција и насилниот криминал, кои се клучни приоритети на Трамп во новиот мандат.
Пател беше меѓу најгласните критичари на ФБИ на истрагата против Трамп за прашања кои се движат од руското мешање во изборите во САД во 2016 година, задржувањето на доверливи документи од страна на Трамп во неговиот имот на Флорида и неговите обиди да ги поништи изборите во 2020 година, кои ги загуби од демократскиот кандидат Џозеф Бајден.