Федералното истражно биро на САД (ФБИ) денес објави дека спречило потенцијален терористички напад во Северна Каролина на новогодишната ноќ.
Теренската канцеларија на ФБИ во Шарлот, Северна Каролина, објави на социјалните мрежи дека потенцијалниот напад, кој бил спречен, бил „директно инспириран“ од Исламската држава, објави Си-Би-Ес.
Соопштението на ФБИ доаѓа помалку од три недели откако официјални лица во Јужна Калифорнија обвинија четворица членови на крајно левичарска антивладина група за наводно планирање серија бомбашки напади на новогодишната ноќ.