Семејството на убиениот новинар, Стивен Сотлоф го повика лидерот на екстремистите Абу Бакру ел Багдади, на дебата за мирољубиво учење од муслиманската света книга „Коран“, пренесе „Ројтерс“.
-Рековте дека месецот рамазан е месец на милост. Каде е вашата милост? Господ не сака агресори- стои во соопштението на семејството, во кое се истакнува дека Сотлоф бил растрган помеѓу два света и дека само сакал да им го даде гласот на оние што го немаат.
Инаку тој бил слободен новинар, кој патувал по Блискиот исток, известувајќи претежно за американските магазини „Тајм“ и „Форин полиси“.
Сотлоф беше киднапиран во август 2013 година во Сирија, откако ја преминал границата од Турција.
Е. Г.