Секретарот за внатрешни работи на Хонг Конг Каспар Цуи денеска поднесе оставка како одговор на критиките на јавноста откако се дозна дека присуствувал на роденденска забава во јануари, по што две лица биле позитивни на коронавирус од 200 присутни.
„Донесов погрешна одлука да присуствувам на прослава на 3 јануари и се однесував на несоодветен начин кога сите напори требаше да бидат посветени на контрола на ширењето на вирусот“, рече политичарот во писмената изјава.
„Ќе преземам одговорност за моите постапки и затоа одлучив да поднесам оставка од функцијата секретар за внатрешни работи“, јави ДПА.
Прославата, на која присуствуваа и полицискиот началник Рејмонд Сиу и шефот на Одделот за имиграција Ау Ка-ванг, предизвика жестоки критики кај жителите на Хонг Конг, кои укажаа на двојните стандарди кои важат за политичарите и за населението. Непосредно пред тоа, здравствените власти на специјалниот административен регион сè уште го советуваа населението да избегнува големи собири.
Извор: МИА