Секој шести Италијанец ова година нема да замине на летување, покажуваат податоците на италијанската Федерација на хотелиерите.
– Бројот на луѓето кои ги посочуваат економските мотиви како причина за да ја образложат својата одлука да не одат на одмор е во пораст. Секој трет Италијанец прознава дека е сиромашен за да оди на одмор, изјави претседателот на Федерацијата, Бернабо Бока.
Според податоцитe на Федерацијата, оваа година на летување ќе заминат 27 милиони Италијанци или 44 проценти од вкупната популација. Лани на летување биле 33,2 милиони Италијанци, односно 55 проценти од вкупниот број жители на Италија.
– Откако водиме ваква статистика досега не сме имале толку големо намалување. Кризата прво ги погоди најсиромашните слоеви, а сега е на пат да удри и по средната класа, додава Бока.
Од оние Италијанци што ќе одат на летување, 76,6 проценти се решиле за некое одморалиште во Италија, 18,5 отсто ќе одат во странство, а останатите се уште не решиле каде ќе го минат својот одмор.