Бунтовници нападнаа владини канеларии, вклучувајќи провинциски суд и приватна банка во Западен Авганистан, при што убија најмалку седум лица, а 50 се ранети, јави ДПА.
Напаѓачите ја нападнале и канцеларијата на локалниот министер за правда во градот Фарах, изјави претставник на авганистанските власти.
Според него тројца цивили, двајца полицајци и двајца војници се убиени, а најмалку 37 цивили и 13 војници и полицајци се ранети.
Тој вели дека полицијата и армијата извршуваат операција, додавајќи дека еден од напаѓачите се скрил во зграда и се бори против војниците. Силите за безбедност застрелале шест вооружени лица.
Портпаролот на талибанците ја презеде одговорноста за нападот.