Британскиот премиер Борис Џонсон сепак ќе мора да оди во десетдневна изолација по контактот со ковид позитивниот министер за здравство Саџид Џавид.
Во првичната објава од Владата беше најавено дека Џонсон ќе биде дел од пилот шемата според која ќе биде тестиран секој ден, а ќе работи сам во кабинетот.
Сепак по жестоките реакции од опозицијата и од јавноста кои реагираат дека не може да има едни правила за нив, а други за Џонсон, премиерот објави дека само кратко размислувал да биде дел од модификуваната шема на изолација и дека ќе се повлече до 26 јули.
„Сите мора да ги почитуваме правилата и затоа ќе бидам во самоизолација“ рече Џонсон.
Џонсон во петокот имал конткт со министерот за здравство кој вчера објави дека е позитивен на Ковид-19.