Германија бележи значително помал број на бегалци кои простигнале во земјата во последните десетина дена, јави дописникот на МИА од Берлин.
Германскиот министер за внатрешни работи Томас де Мезиер денеска изјави дека секојдневно пристигнуваат по две до три илјади бегалци во последниве денови, што е неколку пати помалку од просекот од осум до 10 илјади колку што беше забележани во последниве три месеци.
Мезиер не е сигурен зошто е намален бројот на бегалци, но смета дека лошото време над Медитеранот и напорите на Турција да ги спречи бегалците да заминат од нејзина територија преку Егејот кон ЕУ, можат да се сметаат за е една од причините за намалување на бројот на имигранти.
Според германскиот министер, не се работи за целосна пресвртница, но може да се смета за „добар развој на настаните“.
Од јануари до ноември во Германија се регистрирани околу 965 илјади бегалци, кои побарале азил.