Најновата анализа на германските служби за безбедност покажува дека се намалува бројот на исламски радикали кои од Германија заминуваат во редовите на групата Исламска држава (ИД) во Сирија и Ирак, јави дописникот на МИА од Берлин.
Шефот на Конференцијата на министри за внатрешни работи, Клаус Билон за агенцијата ДПА изјави дека бројката од стотина луѓе кои во екот на судирите во Сирија и Ирак заминувале од Германија, сега е намален на петмина месечно.
Германските власти и покрај намалувањето на регрутите на ИД се загрижени дека во земјата се уште се активни групи, што имаат капацитет да го зголемат бројот на радикали кои заминуваат во Сирија и Ирак.
Најголемиот дел од борците на ИД во Германија се регурутираат преку интернет и во верските објекти под контрола на салафистички органзиации. Состаноци за исламски теми и дистрибуцијата на Јуранот и верски материјали се дел од методите за да се привлечат нови симпатизери на ИД, вели Билон.