Се истражува причината за смртта на бебето во Центарот за азиланти во Холандија

Од:

Холандските власти ја истражуваат смртта на тримесечно бебе во главниот прифатен центар за баратели на азил во земјата, објави денеска „Би-Би-Си“.

dobivaj vesti na viber

Властите соопштија дека бебето починало вчера изутрината во спортска сала што се користела како засолниште за итни случаи, во местото Тер Апел во североисточниот дел на Холандија.

Државниот инспекторат за здравје и заштита на младите соопшти дека за жал медицинската помош била залудна.

Името, полот и националноста на бебето не се објавени.

Инспекторатот најави дека „ќе ги истражи сите можни аспекти што придонеле за смртта на бебето.“

Ќе се проверува нивото на медицинската нега, расположливата нега и условите за живот во односниот прифатен центар.

Холандија е во азилантска криза, со стотици луѓе кои спијат пред прифатните центри, истакнува „Би-Би-Си“.

Причини за таквата состојба се бавната обработка на поднесените барања за азил, ограничувањето на движењето на барателите азил, како и недоволните капацитети за сместување на лицата што бараат азил во земјата.

Извор: МИА

Би можело да ве интересира

Холандската Влада донесе одлука да го блокира приемот на Бугарија во Шенген зоната

Горан Наумовски

Холандија ќе гради две нови нуклеарни централи

Ана Ололовска

Холандија е подготвена да и ги подари своите авиони Ф-16 на Бугарија

А1он

Холандија му забрани на теоретичарот на заговори Дејвид Ајк влез во земјата и во Шенген-зоната

Кина обвинета за поставување „полициски станици“ во Холандија

А1он

Холандскиот Парламент поддржа предлог за трибунал за Украина