Советот за безбедност на ОН усвои денеска едногласно резолуција со која се бара формирање механизам за утврдување одговорност за примена на хемиско оружје во конфликтот во Сирија, поради кое животот го загубија голем број цивили.
Најодлучно се осудува употреба на која било отровна хемиска материја како оружје во Сирија и се бара формирање заеднички механизам за истрага со учество на ОН и Организацијата за забрана на хемиско оружје на рок од година со можност за продолжување по потреба.
Договорот за формирање механизам е постигнат откако САД и Русија ги доближија ставовите за тоа прашање. Во 2013 година благодарение на соработката на тие две држави договорено беше уништување на сирискиот арсенал хемиско оружје.