Саудиска Арабија верува дека Иран стои зад неодамнешните напади врз нафтените постројки „Сауди Арамко“ и ќе разгледа воена опција како одговор кога истрагата ќе заврши. Тоа го изјави министерот за надворешни работи на Саудиска Адел ал Џубеир на прес-конференција на маргините на Генералното собрание на ОН во Њујорк.
Тој нагласи дека Саудиска Арабија сака да мобилизира меѓународна поддршка и да ги разгледа сите опции – дипломатски, економски и воени, и ќе донесе одлука после тоа.
-Ние сакаме да избегнеме војна, но во исто време мора да испратиме сигнал до Иранците дека таквото однесување не може да продолжи, рече Џубеир.
Тој додаде дека ОН помагаат во идентификувањето на нападите на 14 септември, кои предизвикаа нарушување на снабдувањето со нафта во светот, и дека истрагата се очекува да заврши во рок од неколку недели.