Американскиот сенатор Берни Сандерс најави дека ќе направи се што може за да ја блокира продажбата на оружје на Израел, јавува Anadolu.
„САД не смеат да испраќаат повеќе бомби до екстремистичката влада на израелскиот премиер Бенјамин Нетанјаху, која веќе уби 45.000 луѓе, уништи домови, здравствени и образовни системи во Газа и предизвика глад со блокирање на хуманитарната помош“, истакна Сандерс.
Сандерс ги даде забелешките откако Стејт департментот неформално го информираше Конгресот за предложениот договор за оружје со Израел вреден осум милијарди долари, кој вклучува испраќање муниција на борбен авион и артилериски гранати.
Предложената продажба, во очекување на одобрување од Конгресот, вклучува ракети AIM-120C-8 AMRAAM за одбрана од воздушни закани, вклучувајќи беспилотни летала, артилериски гранати од 155 милиметри, бомби со мал дијаметар, боеви глави, осигурувачи за бомби и друга слична опрема.