Јужнокорејскиот производител на електронска опрема „Самсунг“ е далеку понапред на пазарот на „паметни“ мобилни телефони од американската информативна компанија „Епл“.
Благодарение на огромната побарувачка за уредот „галакси С III”, лансиран во мај, „Самсунг“ ја зголеми предноста во второто тримесечје на 2012 гофина со 50 милиони продадени телефони, додека во истиот период биле продадени 30,5 милиони парчиња од телефонот на „Епл“ – „ајфон“, покажаа анализите на агенциите.
„Самсунг“ и „Епл“ повеќе квартали водеа жестока битка за местото главен продавач на „смартфони“, но лансирањето на новиот модел „галакси“, на 4 мај, на јужнокорејскиот производител му овозможи поголема предност.
На светскикот пазар на мобилни телефони, вклучувајќи ги и сите комбинирани апарати, „Самсунг“ го прекина 14-годишното владеење на финската компанија „Нокиа“.