Во близина на западниот дел од седиштето на американскиот Конгрес во Вашингтон вчера се слушнале истрели од огнено оружје.
Полицијата, која е задолжена за обезбедување на Капитол хил, соопшти дека маж извршил самоубиство.
На местото на инцидентот е пронајдена сомнителна торба, која ја истражувала антитерористичка единица.
Самоубиството се случило во момент кога не се одржуваат седници. Зградата на Конгресот и улиците околу него веднаш биле блокирани од безбедносни причини.
Сепак по извршената двочасовна истрага, полицијата ја укина воведената забрана за движење.