Акциите за да се спасат животи на мајки и да се запре насилството врз жените и девојчињата до 2030 година се во фокусот на тридневниот глобален самит што започнува утре во Најроби, јави МИА.
Самитот во Најроби се одржува 25 години по меѓународната конференција за население и развој (ИЦПД), каде 179 влади повикаа на зајакнување на улогата на жените и девојчињата во сите сфери во нивните животи, вклучително и во области што се однесуваат на сексуално и репродуктивно здравје.
–Кенија е горда да биде домаќин на 6.000 светски лидери, претставници на невладини организации, млади луѓе, деловни и верски лидери и многу други од 160 земји, изјави Макарија Камау, главен секретар во Министерството за надворешни работи на Кенија.
– Кенија ќе биде пред и центар во овој момент за жените и девојчињата во светот.
На самитот, највисоки владини претставници, вклучително и шефови на држави, парламентарци и претставници од невладини организации, ќе објават финансиски и програмски обврски, политики и други иницијативи со цел да се постигнат сите цели утврдени во МКПД во 1994 година.
Досега , преземени се повеќе од 1.000 обврски, беше истакнато на прес конференција.
–Наидовме на долг пат во исполнувањето на нашата глобална заложба да го направиме сексуалното и репродуктивното здравје и репродуктивните права реалност за сите, нагласи Артур Еркен, директор за комуникации и стратешки партнерства во УНФПА.
–Но, ние се уште имаме долг пат, пред да можеме да кажеме дека ја постигнавме таа цел, додаде тој. –Ние мора да ги засилиме нашите напори да ги направиме современите контрацептиви достапни за сите што сакаат и имаат потреба од тоа, да ја подобриме здравствената заштита на мајките и да ги заштитиме жените и девојчињата од насилство базирано врз полова основа и штетни практики како што се брак на деца и осакатување гениталии на жени.
Околу 232 милиони жени денес сакаат да ја спречат бременоста, но не користат модерна контрацепција. Секој ден, повеќе од 800 жени умираат од превентивни причини за време на бременоста и породувањето, а 33.000 девојчиња се принудени на брак. И секоја година, повеќе од четири милиони девојчиња се подложени на осакатување на гениталиите.
–Во 1994 година во ИЦПД, замислувавме свет кога еден ден нема жена да умре при породување, каде ниту една жена нема да биде изложена на ризик од несакана бременост и на ниту една девојка нема да и биде одземено правото да направи безбедна и здрава транзиција низ адолесценцијата и зрелоста, изјави специјалниот претставник на Данска во ИЦПД, Иб Петерсен.
–Светот што го замисливме сега е на дофат, но ние мора да ги здружиме силите за да го направиме тоа реалност еднаш засекогаш.
Постигнувањето на целите на ИЦПД е исто така клучно за постигнување на Целите за одржлив развој, кои зависат од јакнењето на улогата жените и родовата еднаквост.
Самитот обединува разновидна група на луѓе, вклучувајќи врвни владини функционери, технички експерти, верски водачи, активисти, млади луѓе, деловни лидери, меѓународни финансиски институции, лица со посебни потреби, академици и многу други посветени на сексуално и репродуктивно здравје и права.
Самитот ќе се фокусира на пет главни теми: Сексуално и репродуктивно здравје како дел од универзална здравствена заштита, финансирање потребно за реализирање на сите цели на Акциската програма на ИЦПД, демографска разновидност и нејзината моќ да го води економскиот раст и одржливиот развој, мерки за прекин на полово базирано насилство и штетни практики и право на сексуална и репродуктивна здравствена заштита, дури и во хуманитарни и кревки контексти.
Дискусиите на самитот исто така ќе ја потенцираат моќта на родовата еднаквост, младинско лидерство, политичко лидерство во заедницата, иновации и податоци и партнерства за забрзување на промените.