Американското Министерство за финансии денеска соопшти дека вовело санкции за шефот на кабинетот на унгарскиот премиер Виктор Орбан, Антал Роган, поради сомневање дека е вмешан во корупција во Унгарија.
Американското Министерство за финансии го обвини Роган дека ја користи својата позиција за да обезбеди финансиски придобивки за себе и за неговите политички сојузници, соопшти Стејт департментот.
„САД нема да се двоумат да побараат одговорност од поединци, како Роган, кои ја користат моќта на нивната канцеларија за незаконски да се збогатат себеси и своите пријатели на сметка на нивната земја и нивните сограѓани“, изјави претставникот на Стејт департментот Бредли Т. Смит.
Роган е близок сојузник на Виктор Орбан и моментално ја надгледува унгарската тајна служба.