САД бараат Хамас да го предаде целото оружје што би можело да го загрози Израел, додека на палестинското милитантно движење првично би му било дозволено да задржи дел од лесното оружје, изјавија денес за „Њујорк тајмс“ (NYT) официјални лица и извори запознаени со предлогот.
Американскиот тим, во кој се вклучени специјалниот претставник на САД, Стив Виткоф, зетот на претседателот Доналд Трамп, Џаред Кушнер и поранешниот висок функционер на Обединетите нации, Николај Младенов, планира да го презентира документот на Хамас во наредните недели.
Израел не е подготвен да ги повлече своите сили од Газа пред Хамас и другите милитантни групи да го положат оружјето, а израелските власти ја сметаат мрежата од подземни тунели за дел од воената инфраструктура на Хамас.