САД се консултираат со своите сојузници околу плановите за распоредување ракети со среден дострел во Азија, потег за кој Кина вели дека ќе одговори со контрамерки.
Вашингтон соопшти дека планира да постави такво оружје во Азија по повлекувањето од Договорот за нуклеарни сили со среден дострел.
Аналитичари велат дека Вашингтон долго време се обидува да распореди ракети со среден дострел со цел да се спротивстави на растечкиот арсенал на Кина.
На конференциски повик, потсекретарот на Стејт департментот за контрола на оружје и меѓународни безбедносни прашања Андреа Томпсон истакна дека владите ќе одлучат дали да прифатат такви проектили. Американските сојузници Јапонија, Јужна Кореја и Австралија се сметаат за главни кандидати за таква база.