Властите во Италија имаат информација за петмина наводни терористи кои можно е да планираат напади врз италијански цели, јави ДПА.
Федералната служба за разузнавање на САД доставила информации за осомничените до италијанските колеги. Петте лица имаат арапски имиња.
Стејт департментот предупредува дека потенцијални цели на терористите се базиликата Свети Петар во Рим, катедралата во Милано и операта Ла Скала. Американската Амбасада во Рим предупреди денеска граѓани на САД дека „терористички групи може да преземат исти методи како и оние во Париз“.