Соединетите Американски Држави продолжуваат да споделуваат разузнавачки информации со Украина, и покрај фактот што од денеска повеќе не и даваат воена помош на земјата, изјави за Си-Ен-Ен извор запознаен со ситуацијата.
Потврдата дека САД продолжуваат да споделуваат разузнавачки информации со Украина доаѓа откако американскиот претседател Доналд Трамп вчера нареди пауза во испораката на американската воена помош за Киев, по жестоката расправија во Овалната соба со украинскиот претседател Володимир Зеленски минатата недела.
Трамп и Зеленски разменија остри зборови за ситуацијата во Украина, при што Трамп го обвини украинскиот претседател дека е неблагодарен за помошта што неговата земја ја доби од САД и дека покажува „непочитување“, по што беше одложено потпишувањето на договорот за украинските минерали за ретки земји, што беше најавено.