САД одлучија вчера да се одобри продажба на комуникациска опрема и интернет услуги директно на Иранци, со цел граѓаните на Исламската република да можат да ги заобиколат владините ограничувања во однос на комуникациите, јави ДПА.
Американското Министерство за финансии дозволи извоз на одредени апарати, софтвери и хардвери за лична комуникација во пресрет на зајакнатите ограничувања до пристапот на информации.
Министерството сепак ја задржа забраната за продажба на такви средства на иранската Влада.
Вашингтон исто така воведе нови санкции поради нарушување на човековите права. Стејт департментот воведе визни ограничувања за 80 владини службеници.