Началникот на Генералштабот на руските вооружени сили ги обвини САД дека обучуваат поранешни борци на „Исламска држава” во Сирија и дека се обидуваат да ја дестабилизираат земјата.
Тврдењата на генералот Валериј Герасимов, изнесени во интервју за весникот „Комсомолскаја правда”, се однесуваат на американската воена база кај граничниот премин меѓу Сирија и Ирак – „Танф”.
Русија тврди дека американската база е нелегална и оти околностите ја претвориле во „црна дупка”, каде што екстремистите делуваат непречено.