Американскиот генерал Мартин Демпси рече дека на Ирак ќе му требаат околу 80 илјади војици да ја врати земјата заземена од екстремистичката група Исламска држава и повторно да воспостави граници со Сирија.
– Ќе бидат потребни 80.000 припадници на ирачките сили за безбедност да се врати загубената територија и на крајот и градот Мосул, како и да се воспостават границите, изјави началникот на Здружениот ГШ Мартин Депмси пред американскиот Конгрес.
Според него, барањето за дополнителни американски сили во Ирак би овозможило формирање центар за обука на дополнителни војници.