САД му кажале на Иран дека не биле вклучени во нападот врз иранскиот конзулат во Дамаск во кој беа убиени командантот на Револуционерната гарда во Сирија и неговиот заменик, соопшти денеска Белата куќа.
„Го информиравме Иран дека САД не беа вклучени во нападот што се случи во Дамаск и го предупредивме Иран да не го користи овој напад како изговор за понатамошна ескалација во регионот или да ги нападне американските објекти или персонал“, изјави портпаролката на Белата куќа, Карин Жан Пјер.
Таа нагласи дека САД не сакаат ескалација на конфликтот на Блискиот Исток.