Ако нацрт-договорот меѓу Украина и САД за минералите со ретки земји не биде финализиран, тогаш поканата до украинскиот претседател Володимир Зеленски да се сретне во Вашингтон со американскиот претседател Доналд Трамп „можеби нема смисла“, изјави неименуван претставник на Белата куќа за Ројтерс.
„Има очекување дека неговото доаѓање значи конечен став (за договорот), а според него тој не е во конечна позиција“, рече функционерот.
Зеленски претходно денеска изјави дека не може да потврди дека ќе се сретне со Трамп во петок во Вашингтон, додавајќи дека „тимовите сè уште работат на тоа“, пишува Укринформ.