Цената на патувањето до Меѓународната вселенска станица вртоглаво е зголемена, а НАСА на Русија ќе и плаќа по 70,7 милиони долари за секој астронаут, кој руската вселенска агенција ќе го изведе во орбитата во 2016 и 2017 година, јави ДПА.
НАСА и Роскосмос потпишаа спогодба за изведување во Вселената на шестмина американски астронаути, кои ќе бидат испратени во мисии во МВС.
Цената согласно претходната спогодба, која важи до крајот на 2015 година, изнесуваше 62,7 милиони долари. Откако во 2011 година Американците ги „пензионираа“ своите вселенски летала, сега тие сметаат на рускиот вселенски брод „Сојуз“ за лансирање на астронаути во Вселената.