Армијата на САД и вооружените формации на ирачките Курди ќе продолжат да соработуваат во борбата против Исламска држава и ликвидирањето на маршрутите за снабдување на џихадистите, соопшти Белата куќа по вчерашниот телефонски разговор меѓу заменик-претседателот Џо Бајден и претседателот на Ирачки Курдистан, Масуд Барзани.
– Двајцата лидери нагласија дека операцијата за ослободување на северниот ирачки град Синџар од ИД од минатата недела е дел од заедничката кампања за зајакнување на притисокот врз ИД во нејзиното срце и ликвидирање на маршрутите за снабдување меѓу Моуил во Ирак и Рака во Сирија, се наведува во соопштението.
Бајден и Барзани истакнаа дека притисокот ќе продолжи следните недели и месеци.