Стејт департментот на САД ја повика Курдската работничка партија (ПКК) да ги прекине нападите и да се откаже од насилството, пишува „Хуриет“, повикувајќи се на портпаролот на Стејт департментот Марк Тонер.
Портпаролот тоа го изјави во одговор на новинарско прашање по повод самоубиствениот напад во неделата врз зграда на жандармеријата во округот Агри, Источна Турција, во кој беа убиени двајца турски војници, а 31 повредени.
Тонер рече дека нападите го „разгоруваат циклусот на насилство“ и изјавил дека САД бараат ПКК да ги прекине нападите, да се откаже од насилството и да почне одново преговори со турската Влада“.
На прашањето во врска со тврдењата за цивилни жртви при воздушните напади на турската армија врз цели на ПКК во Северен Ирак, Тонер рече дека САД не сакаат цивилни жртви и ги сфаќаат многу сериозно тие информации.