Украинските оружени сили вршат арилериски напади брз градот Енергодар, во непосредна близина на нукларната централа „Запорожје“, објавуваат денеска руските агенции.
Според нивните информации, украинската армија извршила 23 артилериски напади, а притоа биле употребени и 155-милиметарски хаубици „М777“ од американско производство
Нуклеарната централа „Запорожје“ се наоѓа во близина на Енергодар, на левиот брег на реката Дњепар. Тоа е најголемата нуклеарна централа во Европа со шест реактори. Централата од март годинава е под контрола на руските трупи, која ја опслужува украински персонал.
Русија и Украина меѓусебно се обвинуваат за неодамнешните напади врз нуклеарната централа. Делегација на Меѓународната агенција за атомска енергија (МААЕ) денеска пристигна во градот Запорожје, а наскоро ќе изврши проверка на нивото на безбедноста на централата.
Извор: МИА