Од Русија во Белорусија беа испорачани и распоредени тактички ракетни системи „Искандер“, способни да носат нуклеарни боеви глави и системи за противвоздушна одбрана С-400.
„Тие се подготвени да ги извршат планираните задачи“, изјави висок функционер на белоруското Министерство за одбрана.
Леонид Касински, шеф на Дирекцијата за идеологија во тамошното министерство, во видео објавено на Телеграм рече: „Нашите војници завршија обука во заедничките центри за борбена обука на вооружените сили на Руската Федерација и Република Белорусија… Овие видови оружје (системи Искандер и С-400) денес се на борбена задача и се целосно подготвени да ги извршуваат задачите за кои се наменети“.