Руски научници предупредуваат дека кон планетата се движи голем астероид, кој доколку се судри со Земјата ќе предизвика катастрофа со огромни размери.
Станува збор за астеоидот „2014 UR116“, чија што големина не е позната, објави Руската агенција за истражување на космосот, „Роскосмос“.
-Треба да се подготвиме за таква сутуација. Таа ретко се случува, но постои можност- вели Борис Шустов, директор на Институтот за астрономија.
Од „Роскосмос“ велат дека се работи за многу поопасен астероид од Апофис кој пред две години падна во Чељабинската област во Русија.
-Се покажа дека тој има пречник од најмалку 370 метри, што значи дека е поголем од Апофис. Тоа значи дека неговиот удар на Земјата и експлозијата ќе бидат многу поопасни од ударот на астероидот во Чељабинска- рече познатиот астрофизичар Владимир Липунов, професор на Моссковскиот државен универзитет, кој прв го забележал астероидот.
Тој истакна дека не се знае кога точно ќе се приближи астероидот, но дека знаат дека се работи за период од три години.
-Тој повторно ќе ја пресече орбитата на Земја, мора да го следиме. Една единствена грешка ќе предизвика катастрофа – додаде Липунов.
Инаку секојдневно кон планетата од Вселената летаат илјадници камчиња, астероиди и комети.
Министерството за вонредни состојби на Русија предложи да се направи федерална научно-техничка програма за создавање национален сегмент за следење и прогноза на опасности од астероиди и комети.
Е. Г.