Во градот Шахтјорск во Доњецката област каде се водат улични борби, се предадоа повеќе од 700 украински војници, јави Итар-Тас повикувајќи се на изјава на командант на армијата на самопрогласената Доњецка нарона република дадена за агенцијата Новоросија.
Засега нема потврда за информацијата од други извори.
Руски медиуми јавуваат дека проруските сили и украинските сили за безбедност продолжуваат во Шахтјорск улични борби и размена на артилериски оган.
– Во градот се уништени голем број куќи, бензиски пумпи и продавници. Луѓе на улиците речиси и да нема, а жителите кои останале се засолнети по подруми и скривници, јавуваат руски медиуми. Пред неколку дена почна силна офанзива на Шахтјорск од север и југ, а цел на украинските сили е опколување на Доњецк и негово блокирање од Лугањската област и Русија.